Para sa Agarang Pagpapahayag
Makipag-ugnayan kay: Cynthia Santana/Manager ng Komunikasyon 206-256-5219 cynthia.santana@seattle.gov
Sinimulan ng Seattle Office of Labor Standards ang proseso ng pampublikong paggawa ng panuntunan para sa Domestic Worker’s Ordinance
Seattle (Marso 6, 2019) – Inanunsiyo ng Office of Labor Standards (OLS, Tanggapan ng Mga Pamantayan sa Paggawa) ang simula ng proseso nito ng pagbuo ng administratibong panuntunan para sa Domestic Workers Ordinance (Ordinansa para sa Mga Manggagawa sa Tahanan). Lilinawin ng mga panuntunan ang kahulugan at aplikasyon ng ordinansya sa mga paksa tulad ng lawak ng saklaw at pananagutan, kung paano magagamit ang mga panahon para sa pahinga, at iba pang isyu na hindi partikular na ipinaliliwanag sa batas.
Noong nakaraang taon, ang Lungsod ng Seattle ang naging unang Lungsod na nagpatibay ng Domestic Workers Bill of Rights (Katipunan ng Mga Karapatan ng Mga Manggagawa sa Tahanan), na magkakabisa sa Hulyo 1, 2019 at inaatas na dapat makatanggap ang mga manggagawa sa tahanan ng minimum na sahod, pati na rin panahon para sa pahinga at pagkain.
Kabilang sa proseso ng paggawa ng panuntunan ang pagtipon ng feedback mula sa mga manggagawa sa tahanan, mga sambahayan, ibang entidad na kumukuha ng mga manggagawa, at mga organisasyon sa komunidad. Magsisimula ang OLS na magsagawa ng mga pagpupulong ng mga stakeholder sa huling bahagi ng Marso at magkakaloob ng pagsasalin at pangangalaga ng bata kapag hiniling ito. Maaaring magbigay ng komento ang publiko sa mga ipinanukalang panuntunan sa huling bahagi ng Hunyo. Inaasahang iaanunsiyo ang huling mga panuntunan sa Oktubre at magkakabisa sa katapusan ng taon.
Upang magpahiwatig ng interes sa pagsali sa amin sa mga pagpupulong ng mga stakeholder, upang ibahagi ang iyong mga ideya para sa mga panuntunan, o para sa karagdagang impormasyon, mangyaring makipag-ugnayan kay Jeneé Jahn, Tagasuri ng Patakaran, sa jenee.jahn@seattle.gov.
Para sa karagdagang impormasyon tungkol sa Domestic Worker’s Ordinance mangyaring bisitahin ang aming website o tumawag sa 206-256-5297.
####